LAOAG CITY – Naideklarar ti maysa nga agtawen 6 nga aso kas World Ugliest Fod kalpasan a mangabak iti tinawen a laban a naangay iti California, United States.
Daytoy ket napanaganan ti Jinny Lu a nag-second place idi napalabas a tawen a naangay met iti Sonoma County Fairgrounds iti Santa Rosa, California.
Segun ken ni Mandy Clendenen, CEO ti Sonoma-Marin Agricultural Association, gagem ti nasao nga aktibidad nga ipakita iti lima a dekada a tunggal aso ket addaan iti bukodna a kinapintas a maikari iti ayat ken panangawat.
Mainaig iti daytoy, adda ti makapa-touch nga estoria iti likudan ti panagballigi ni Jinny Lu. No sadinno a naisalakan manipud iti panaglako iti karne ti aso idiay South Korea sakbay a nakadanon idiay Estados Unidos iti babaen ti dua nga organisasion California-based rescue organization tapno maikkan iti gundaway a maampon.
Uppat a tawenen ti napalabas a ni Jinny Lu ket inampon ni Michelle Grady, maysa nga agnanaed idiay Ukiah, California.
Kas grand winner, nakaawat da Jinny Lu ken Grady iti tropeo ken $5,000 a premio. Pakairamanan pay ti rupa ti aso kadagiti limited edition cans ti Mug root beer.
