LAOAG CITY – Pinalagipan ti Philippine National Police (PNP) dagiti kapulisan nga agbalin a responsable iti pannakaipatalged dagiti paltog, kangrunaan no awan dagitoy ti duty-da wenno adda da iti pagtaenganda.
Segun ken ni PNP chief Gen. Jose Melencio Nartatez Jr., a masapul a masigurado a natalged ken saan a magaw-at dagiti ubbing ti paltog.
Daytoy ket kageddan ti dua nga insidente ti pamaltog kadagiti uneg ti pagadalan iti agarup dua a bulan.
Idi Hunio, tallo nga estudiante ti natay iti maysa nga school shooting iti Tacloban City. Ita a bulan, dua met nga estudiante pakairamanan ti maatao a gunman ti natay iti insidente iti Ateneo de Zamboanga University.
Iti dua nga insidente, inusar ti menor de edad ti sevice issued firearms nga innala ti ubing manipud iti kabagyan wenno nagannakna.
Kabayatannam inbatad ti PNP chief a mangiyuswat dagiti kameng ti kapulisan ti nationwide school safety drills ti Department of Education a naikeddeng inton Agosto 25.
