LAOAG CITY – Nagkiddaw ti presecution panel a papigsaen ti imbestigasion iti panagwaras dagiti peke a “quote cards” ken social media post a maipagarup a mangal-allilaw iti publiko iti impeachment trial ni Bise Presidente Sara Duterte.
Kiniddaw dagiti prosecutor iti Cybercrime Investigation and Coordinating Center (CICC) a tumulong iti panangsukimat kadagiti tao nga adda iti likudan dagiti peke a rakurak ken sabali pay nga ar-aramid laeng a content.
Basar ken ni Bicol Saro Party-list Rep. Terry Ridon nga agtultuloy ti pannakawaras ti maysa a peke a rakurak nga adda pakainaiganna ken ni Duterte defense lawyer ken spokesperson Michael Poa.
Ti Cybercrime Investigation and Coordinating Center (CICC) ket maysa nga inter-agency body iti babaen ti Department of Information and Communications Technology (DICT) nga adda pakainaiganna kadagiti ahensia ti gobierno iti pananglaban iti cybercrime ken panangsukimat kadagiti panaglabsing iti online.
Ti nadakamat a peke a rarukak ket maiwarwaras iti social media ken maipagarup a sungbat ni Poa kadagiti rakurak ni Ridon mainaig iti Duterte Defense team. Idinto a naglikudan ni Poa idi Agosto 18.
Kunana a saanna pulos maubra wenno mangiparuk-at ti kasdiay a klase a rakurak. Kiniddawna kadagiti page a nag-post iti daytoy nga ikorehir wenno ikkaten ti fake quote.
Kabayatanna, nagyaman ni Ridon ken ni Poa gapu iti panangilawlawagna ken inbatadna a saan a ni Poa ti dakdakamatenna no diket dagiti tao nga agaw-aramid ken agiwarwaras ti peke a rakurak.
