LAOAG CITY – Inbatad ni Sen. Panfilo “Ping” Lacson a fake news dagiti report nga agsapsapul ni Sen. Loren Legarda ti asylum iti ballasiw-taaw.
Sumangsango da Rep. Leandro Leviste, ken dati nga Energy Secretary Alfonso Cusi iti umuna nga imbestigasion ti Office of the Ombudsman mainaig iti mapapati a P10-billion a ghost solar projects.
Pimmanaw ni Legarda iti pagilian a kaduana ni Leviste idi Agosto 2, a limmasat iti Hong Kong ken nagturong idiay France no sadinno a daytoy ket naka-medical leave medical leave sipud pay idi Agosto 3.
Kinuna ni Lacson a nakasaritana ni Legarda bayat ti kaaddana iti ballasiw-taaw ket kinunana nga adda problema ti barana a kasapulan ti medikal nga atension.
Naipadamag met a pinasingkedan ti maysa a katrabahuan ni Lacson iti majority bloc nga adda medikal a kasasaad ti senador.
Kabayatanna, inyebkas ni Lacson ti ladingit ken pannakadismayana gapu iti panagbalbaliw ti kampo ni Legarda kabayatan ti Mayo 2026 a kudeta ti liderato ti Senado no sadinno nga agkakaduada idi iti Senate majority bloc.
