LAOAG CITY – Inbatad ni Senador Panfilo “Ping” Lacson a rumbeng a maipaayan ti leksion dagiti witnesss a mamagbalin iti testimoniada a negosio.
Daytoy ket kalpasan ti panagbaliktd ti dati a bodyguard ti resigned Ako Bicol Party-list Rep. Zaldy Co, Orly Guteza, ken sumagmamano a kameng ti “Maleta Boys” iti testimonia da kontra ken ni dati nga Speaker ken Leyte Rep. Martin Romualdez.
Kinunana a nalag-an laeng ti pannusa dagiti kaso ti perjury ngem pinagdagsenda kalpasan ti panagbaliktad dagiti saksi iti Senado a da Arturo Lascañas ken Edgar Matobato iti isyu ti extra-judicial killings iti siudad ti Davao.
Ti pannusa ti perjury ket umabot itan iti innem agingga iti 12 a tawen ngem awan pay ti nakapasar a mangipakat iti nadagdagsen a dusa iti perjury.
Innayonna pay ni Lacson a mabalin koma a mapilaan ti kaso ni Romualdez ni Guteza ken dagiti dadduma pay a “Maleta Boys” iti perjury ngem gapu ta nagunggonaan iti panagbaliktad dagitoy ket mabalin a palubosanna lattan.
Iti sabali a bangir, posible met a makatulong ti panangipila iti kaso kontra kadagiti saksi a nagbaliktad iti bagida iti perjury charges iti kaso kontra ken ni Romualdez.
