LAOAG CITY – Nagpannawagan ni Vice President Sara Duterte kadagiti Filipinos nga ipateg ti nasional a langguahe ken pagtalinaeden daytoy a kangrunaan nga armas iti kinalaing bayat ti panagngato dagiti baro a teknolohia pakairamanan ti artificial intelligence (AI).
Daytoy ket kalpasan ti panagbitlana iti Buwan ng Wika nga addaan ti tema a ‘WIkang FIlipino at AI: Kasangkapan sa Pananaliksik at Tulay sa Yaman ng Impormasyon” nga inanunsio ti Komisyon iti Wikang Filipino.
Mainaig iti daytoy, nagpannawagan pay kadagti overseas Filipino workers (OFWs) iti mensahena a pagtalinaeden ti native a lengguahe kas pammalagip ti pagilian a naggapoan da no sadinno man ti ayan da iti lubong.
Kabayatanna, kunana a ti nasional a lengguahe ti mangiladawan ti pannakabagi ti kultura ti pagilian, rangtay ti panagkaykaysa, ken repleksion iti pakasaritaan ti pagilian.
