LAOAG CITY – Inlawlawag ti Veteran Broadway actress Lea Salonga ti rason na no apay nag-unfollow daytoy iti BTS members nga isuda RM ken J-Hope iti Instagram.
Iti Threads acount-na, inlawlawagna a naaramidna daytoy para iti bukodna a pagsayaatan bayat nga agyaman daytoy gapu ta dagitoy ti nangsalbar kenkuana idi panawen ti COVID-19 pandemic.
Nadlaw dagiti fans ni Lea ti panang-unfollow-na iti dua a South Korean supertars kalpasan a nakita daytoy iti concert ni Usher ken ni Chris Brown iti napalabas a bulan.
Inadmitir ni Lea nga in-unfollow na ti dua a BTS members para iti bukodna a pagsayaatan ken awanen ti sabali a rason daytoy.
