LAOAG CITY – Naitantan iti pannakatratarna ti Full disclosure ordinance a naidasar iti Sannguniang Bayan iti ili ti Pinili gapu iti sumagmamano a saludsod a nakaipalaon kadaytoy.
Ti ordinansa ket kalukagumna ti mangpublikar no ayan ti pakaikabkabilan ti pondo ti lokal a gobierno iti nasao nga ili.
Inbatad ni Sangguniang Member Anunciacion D. Pagdilao a nakaipalaon ti ordinansa a maideklarar amin a paggastosan ti munisipyo a mangrugi iti P28,000 a gatad, aniaman ti nakaigastosanna no sadinno a rumbeng a maipakaammo iti publiko iti babaen ti pannakaipaskil kadagitoy iti bulleing boards kas iti mercado publiko wenno covered court, ken dadduma pay.
Kunana nga adda naisayangkat a Committee meeting iti laeng kallabes ngem saan a nagatendar ti session ti accounting officer no sadinno nga adda dagiti baro nga impormasion nga inbatadna a rason ti panagkiddaw ti konseho a mangisubmitir daytoy ti Accounting Officer ti written insights.
Gapu iti daytoy, kuna ni Pagdilao a daytoy ti rason a naitantan iti pannakatalantan iti nasao nga ordinansa.
Mainaig iti daytoy, naglikudan ni Pgdilao nga adda ti pakainaiganna ti nasao nga ordinansa iti rimuar nga isyu iti kallabes no sadinno nga maysa nga opisyal ti Pinili ti maipagarup a mangus-usar ti pondo ti gobierno para iti personal nga interesna.
Inlawlawagna a ti ordinansa ket para iti amin nga umili ken awan iti direkta a target-na, kangrunaan iti agdama nga adda pannakawestionar ti nasao nga opisial ti national government mainaig iti pannakausar ti pondo ti gobierno.
Innayonna pay a gagem ti nasao nga ordinansa a pukawen ti panagdudua ti publiko mainaig kadagiti nausar a pondo.
