LAOAG CITY – Inbatad ti aktres a ni Kim Chiu a napateg nga ammo ti pakaikabkabilan ti pagbannugan a kwarta.
Inadmitir na nga idi ub-ubing daytoy ket ti laeng adda iti panunot na ket ti agurnong ti kwarta tapno adda ti usaren na iti masangwanan wenno iti panagtaeng na.
Nupay kasta, iti panagtrabaho ken kabayatan a tumataeng daytoy ket nautub na a saan laeng a rumbeng a ti panagurnong ti tutukan no di ket masapol nga ammo no pay ti ag-invest, ag-budget ken siguradwen a nasayaat amin ti pakaikabilan ti kwarta.
Inpalagip ni Kim nga alisto laeng a mapukaw ti kwarta isut gapuna a rumbeng nga ilalaen daytoy.
Innayon na nga uray dagiti oportunidad a maipapaay iti maysa a tao ket alisto pay a mapukaw isut gapuna a kasapulan nga ammo nga ipateg ti kada sentimo a mapaspastrek.
