LAOAG CITY – Nasapa a nalpas ti mixed doubles campaign da Filipina tennis star Alex Eala ken Canadian partner Felix Auger-Aliassime kalpasan a naabak dagitoy iti laban da kontra kada Elina Svitolina ken Gael Monfils iti iskor nga 1-4, 1-4, iti umuna a round ti 2026 US Open mixed doubles round of 16.
Nagpaot laeng ti 39 a minutos ti laban babaen ti pannakausar ti FAST4 format, no sadinno a ti umuna a pares a makaala ti uppat nga ay-ayam ti mangabak iti set.
Napintas ti panangrugi ti ay-ayam da Eala ken Auger-Aliassime kalpasan a naala da ti umuna nga ay-ayam iti set.
Nupay kasta, alisto a nakasubbot da Svitolina ken Monfils ken nangabak iti uppat a nagsasaruno nga ay-ayam tpno maala ti umuna a set iti iskor a 4-1.
Nalpasen ti mixed doubles run ni Eala, ngem saan pay a nalpad ti US Open campaign na.
Naikeddeng a lumaban ni Eala iti women’s singles a mangrugi intono Agosto 30 ita a tawen.
