LAOAG CITY – Nakairekord ti Department of Health ti panagbaba ti kaso ti human immunodeficiency virus (HIV) ditoy pagilian iti 39% iti maika-dua a quarter ti tawen 2026 kumparar iti nairekord idi napalabas a tawen.
Iti Facebook post ti Philippine National AIDS Council, impakaammoda a dagiti nairekord a 2,994 confirmed HIV-positive cases ket nairehistro manipud idi bulan ti Abril agingga iti Hunio 2026, no sadinno ket nababbaba kumparar iti naudi a bilang manipud kadagiti naglabas a quarterly figures.
Kabayatanna, basar iti datos, naamoan a 94 a porsiento manipud kadagiti kumpirmado a kaso ket lallaki, ken idinto a dagiti nabatbati nga 4 a porsiento met ket babbai.
Malaksid iti daytoy, kaadoan kadagiti nairekord ket manipud iti National Capital Region nga addaan ti 19 a porsiento manipud iti pakabukelan dagiti positibo, sinaruno ti CALABARZON 11 percent, Central Luzon 9 a porsiento, Soccsksargen 8 a porsiento ken ti Western Visayas nga addaan ti 6 a porsiento.
Gapu iti daytoy, impasigurado ti Department of Health ti agtultuloy a pannakaipalawa dagiti testing infrastructure iti intero a pagilian.
