LAOAG CITY – Maidasar kas prosecution witness ni Atty. Michael Wesley Poa hearing inton Setiembre 2 iti kapasidadna kas dati a Chief of Staff ti Department of Education (DepEd) mainaig iti di umiso a pannakausar ti P112.5 Million a confidential funds ti ahensia.
Malaksid ken ni Poa, maayaban met ni Philippine Statistics Authority (PSA) Assistant National Statistician Marizza Grande iti sumaruno a hearing tapno agtestigo iti PSA verification.
Kinuna ni Presiding Officer Sen. Francis “Chiz” Escudero a gapu ta agdama nga adda iti korte ni Poa ken “more than willing to testify,” saanen a kasapulan ti mangipaulog iti subpoena manipud iti impeachment court.
Segun kenni Escudero, mabalin nga ag-winess stand ni Poa inton Setiembre 1 no bilang saan nga agparang dagiti dua nga opisial ti militar a naituding a mangtestigo iti dayta nga aldaw.
Dagiti dua nga opisial ti militar ket da Col. Manaros Boransing II ken Col. Magtangol Panopio, nga immuna a nagtestigo iti House Inquiry a saan a nakaawat ti military unit-da iti confidential funds ti DepEd para kadagiti aktibidad ti Youth Leadership Summits.
