LAOAG CITY – Pinagtignay ti gobyerno ti network dagiti ospital ken pinagbalin nga aktibo ti coordinated referral system tapno malapdan ti panagngato ti bilang dagiti pasyente nga addaan ti leptospirosis manipod kadagiti naruay nga health facilities.
Inrakurak daytoy ti Malakanyang kas sungbat iti naiget pressure kadagiti emergency rooms kalpasan ti nalawa a panaglayos, no sadinno a naruay dagiti pasyente iti San Lazaro Hospital ken Ospital ng Maynila kagiddan ti panangiwaragawag da nga umaboten iti ‘full capacity’ ti emergency room.
Kabayatanna, inreport met ti National Kidney Transplant Institute nga umaboten daytoy iti full bed capacity gapu iti panagngato ti kaso ti leptospirosis.
Inbatad ni Presidential Communications Office (PCO) Undersecretary ken Palace Press Officer Claire Castro a kalikagom ni Presidente Ferdinand Marcos Jr., a makikoordinar dagiti ospital ken i-redistribute dagiti pasyente imbes a palubusan ti overcrowding iti individual facilities a pakaitantanan ti panagagas dagitoy.
