LAOAG CITY – Dinosdosena nga amerikano ken Canadians ti karaman kadagiti ginasut a tattao a mapukpukaw kalpasan ti napasamak a flash flood ken mudslide iti asideg ti Nepal-Tibet border.
Inbatad ti US State Department a naiget ti pannakikoordinar ti US embassy iti Nepal kadagiti local tour agencies ken otoridad tapno matulungan dagiti naapektaran nga amerikano.
Inrakurak met ni Canadian Prime Minister Mark Carney a naiget ti panagmonitor da kadagiti kadaraan ken sitwasyon iti Nepal, ken nakasaganan a mangipaay ti tulong no kasapulan.
Iti datos ti Canadian foreign affairs office, adda ti 820 a Canadians a nagrehistro iti Nepal ke lima a Canadian ti nakarehistro iti Tibet Autonomous Region, China.
Basar iti Nepal police, nasurok a 500 a turista ti mapukpukaw, pakairamanan ditoy ti 466 a foreign nationals manipod iti 28 a nagduduma a pagilian.
Karaman kadagiti mapukpukaw ket ti 54 manipod iti Estados Unidos, nasurok a 100 manipod iti India, 33 manipod iti United Kingdom ken nasurok a 100 manipod iti Nepal.
Kabayatanna, nagpanawagan ni Nepal President Ram Chandra Paudel iti gobierno, political parties, social organizations, amin nga ahensya a pakairamanan ti security forces, ken ti general public a papigsaen pay ti rescue ken relief efforts kalpasan ti insidente.
Immunan a naireport nga umaboten iti agarop 160 a tattao ti natay kalpasan ti mudslide ken flashflood iti nadakamat a lugar.
