LAOAG CITY – Dakkel ti nagdur-asan ti anti-illegal drug campaign ti Philippine Drug Enforcement Agency – Region I ita a tawen no ikompara iti kapada a panawen idi 2025.
Daytoy ti inpanakkel ni Director Julius Paderes, ti Regional Director iti Philippine Drug Enforcement Agency-Region 1.
Inbatad na nga iti probinsya ti La Union ti kababaan ti bilang ti barangay nga apektado ti illegal a droga gapu ta adda laengen ti 1.56% wenno 9 a barangay .
Innayon na nga iti met iti Ilocos Norte ket adda pay ti 20 a barangay nga apektado ti illegal a droga no sadinno a 18 a barangay iti ciudad ti Laoag ken dua met iti ili ti Pasuquin.
Inpakaammo ni Paderes nga adda ti kampanya da a maaw-awagan ti “Tipuyog ti Amianan” no sadinno nga adda ti timeframe da agingga iti Disyembre ita a tawen tapno madalusan amin a barangay ditoy probinsya manipod iti illegal a droga.
Mainaig iti daytoy, inlawlawag ni Paderes a no adda man ti drug cleared barangay a maapektaran manen ti illegal a droga ket maikkan ti 60 nga aldaw ti akinsakop a lokal a gobierno tapno solusyonan daytoy.
