LAOAG CITY – Naka-red alert ti Department of Social Welfare and Development (DSWD) gapu ti napaut nga epekto ti habagat kadagiti nagduduma a paset ti Luzon ken Visayas.
Naingato ti kasasaad ti alerto gapu iti panangtungpal iti National Disaster Risk Reduction and Management Council (NDRRMC) Memorandum 237, series of 2026, a nangipangato iti nasional a kasasaad ti alerto manipud ti blue alert agingga iti red alers gapu iti kallabes a weather system a mangapektar iti pagilian.
Impanamnama ni Assistant Secretary Irene Dumlao ti DSWD Disaster Response Management Group (DRMG) iti publiko nga agtultuloy ti panagsagana ti departamento para iti posible nga epekto ti napaut a tudo ken layus.
Kinunana pay nga agtultuloy ti panangmonitor ti DSWD kadagiti panagrang-ay ken manteneren dagiti relief resources ken response teams-na nga adda iti standby, a maitunos iti direktiba ni Presidente Ferdinand Marcos Jr. tapno masigurado nga insigida a maidanon ti tulong kadagiti pamilia ken komunidad bayat nga agtultuloy a mapasaran dagiti paset ti pagilian ti napaut nga epekto ti habagat.
