LAOAG CITY –
Nagkari ti META ken ni Senator Risa Hontiveros a sumurot daytoy kadagiti kiddaw ti Philippine Law Enforcement Authorities para iti user data kangrunaanen no adda pangta ti kinaranggas.
Nagatendar ti maysa kadagiti pannakangiwat ni Hontiveros iti maysa a roundtable meeting iti headquarters ti META iti Singapore mainaig ti responsibilidad dagiti social media platform, kangrunaan ti Facebook, iti pannakaiwaras ti nihilistic violent extremism.
Impetteng ti pannakangiwat ni Hontiveros iti META a mangipaay daytoy ti subscriber information ken traffic data kadagiti otoridad ti Pilipinas no adda ti senyales ti pangta ti panagatake.
Impanagetget ni Hontiveros a kasapulan ti insigida a tignay kotra kadagiti possible a pangta ti kinaranggas.
