LAOAG CITY – Nagsurat ti Department of Public Works and Highways (DPWH) iti siudad ti Laoag tapno agkiddaw ti pannakadalos kadagiti canal gapu iti kellaat a panaglayos nga epekto pay laeng ti habagat.
Inbatad ni Engineer Glenn Miguel, iti District Engineering Department of Public Works and Highways (DPWH) 1st Engineering District a gagem ti surat ti panagkiddaw ti tulong a pannakadalos kadagiti canal iti siudad.
Inlawlawagna a ti laeng national road ti sakop da a dalusan ken no pakaseknan ti drainage wenno canal ket rumbeng laeng nga iti siudad ti Laoag ti mangdalos.
Kunana a upay adda dagiti panangiwayatda ti panagdalos no sakbay ken kalpasan ti bagyo ket mamati daytoy a dakkel ti posibilidad na a maliklikan ti nakaro a panaglayos no adda ti panagtitinnulongda nga agdalos.
Maipalagip nga adda ti nagbalin nga isyu ti layus iti baet ti ado a flood control projects ditoy siudad.
