LAOAG CITY – Impakaammo ni Sangguniang Panlungsod Member Jayson Perrera a napilaan ti kaso ti maysa a dati a konsehal nga akin kukua ti maysa a resto-bar ditoy siudad ti Laoag ti kaso nga Obstruction of Justice.
Ti dati a konsehal ket ni Derick Lao no sadinno a napilaan daytoy ti kaso iti babaen ti Philippine National Police (PNP) Laoag.
Kuna ni Perrera a nagkamang kenkuana ni Lao tapno agbalin a counsel-na no sadinno nga iti agdama ket manarimaan ti sungbatda kontra iti naipila a kaso.
Maipalagip a daytoy ket mainaig iti dimmanon a report ken ni Vice Mayor Rey Carlos Fariñas iti Chairman time nga adda ti nagpaputok ti paltog iti maysa a resto-bar ditoy siudad ti Laoag.
Kinondenar met daytoy ti nasao a Bise Mayor ket nagkiddaw ti CCTV footage kasta payen ken ni Senator Raffy Tulfo tapno maamoan ti umno a napasamak iti nasao a panagpaputok ti paltog.
Iti agdama, manarimaan ti panangala ti Bombo Radyo Laoag ti statement ti Philippine National Police (PNP) tapno maipaayan ti pannakalawlawag ti nasao a pannakaipila ti kaso.
