LAOAG CITY –Pimmigsa pay kas tropical depression ti dati a low pressure area (LPA) ken naikkan ti nagan a PILANDOK, basar iti weather bureau iti inparuk-at na a weather update iti oras ti alas-8:00 ti bigat, Agosto 30.
Basar iti kaudian a weather bulletin, nasaripatpatan ti Tropical Depression Pilando iti kaadayo a 1,245 kilometro amianan a paset ti Extreme Northern Luzon.
Addaan daytoy ti kapigsa ti angin nga umabot iti 45 kilometro iti kada oras idinto nga umabot met iti 75 kilometro iti kada oras.
Aggargaraw ti Pilandok nga agturong iti west northwesward iti kapardas a 15 a kilometro iti kada oras.
Agtultuloy met ti panagmonitor ti weather bureau ti garaw ken kondisyon ti bagyo tapno maestablisar ti possible nga epekto na iti pagilian.
Nabalakadan ti publiko nga agtalinaed a nakatutok kadagiti sumaruno a weather bulletin ken opisyal nga abiso, aglalo kadagiti lugar a mabalin a maapektaran ti dakes a panawen.
