LAOAG CITY – Binigbig ti Department of National Defense wenno DND ita nga aldaw ti Domingo, Agosto 30, ti maika-75 nga anibersario ti Philippines-United States Mutual Defense Treaty (MDT) nga agserserbi kas pundasion ti kinakappia ken seguridad iti rehion ti Indo-Pacific.
Segun ken ni Defense Secretary Gilberto Teodoro, ti aliansa ti dua a pagilian ket agtultuloy a pumigpigsa ken ti nangadaptar iti ad-adda a kumplikado a pangta iti seguridad.
Mainaig iti daytoy, maipakita ti balligi dagiti agbinnulig a panagsanay ti militar, pagtulungan iti seguridad iti baybay (maritime security) ken dagiti inisiatiba para iti trahedia wenno humanitarian assistance.
Basar ken ni Department of National Defense Spokesperson Arsenio Andolong, agtalinaed ti kari ti Pilipinas ken Estados Unidos a mangipatakder ti maysa a natibker ken produktibo a tinnulongan.
Gagemna daytoy nga taginayonen ti siwayawaya a panagdalyasat, depensaran ti pangsangalubongan a linted ken siguradoen a ti aliansa ket agtinaeden ti puersa para iti kinakappia ken panagdur-as dagiti sumaruno nga henerasion.
