LAOAG CITY – Umaboten iti walo a tattao ti kumpirmado a natay idinto a nasurok a 12 a sabsabali dagiti nagtalinaed a mapukpukaw kalpasan a naarinebneb ti maysa a passenger ferry iti kabaybayan ti Northern Cyprus.
Basar iti gobierno ti Cyprus, addaan ti 259 a pasahero ken walo a crew members ti nakalugan iti Filo Jet idi sabwagan ti dua a dadakkel a dalluyon kalpasan a pimmanaw daytoy manipod iti ili ti Kyrenia.
Naiwayat ti nalawa a search and rescue operation usar dagiti helikopter ken coastguard boats iti panangidaulo ti Northern Cyprus ken dagiti otoridad manipod iti Turkey.
Naarestar metten ti kapitan ti barko ken ti pito a crew members tapno imbestigaren ti maibagbaga a panagbaybay-a da ken amwen ti eksakto a makaigapu iti trahedya.
