LAOAG CITY – Umabot iti 15 nga indibidual ti mapukpukaw kalpasan ti napasamak a flash flood iti sumagmamano a paset ti Grand Canyon.
Basar iti National Park Service (NPS), karaman kadagiti kangrunaan a naapektaran ti flash floods ket iti Bright Angel Canyon ken Phantom Ranch.
Adda ti 62 a tattao a naisalakan babaen ti pannaka-akkal da iti lugar usar dagiti helicopter.
Inlawlawag ti maysa kadagiti naisalakan nga agtawen ti 41, a saan da pulos a ninamnama ti pasamak aglalo ket napintas ti panawen idi mapasamak ti flash flood.
Kuna na a kabayatan ti kaadda da iti lugar ken napintas ti panawen ket nakigtot da laengen idi mangngeg da ti panaggiikkis dagiti tattao a bulon dan ti agtataray.
