LAOAG CITY -Nagtalinaed ti namnama ti pamilya ti nasurok nga 600 a mangmangged a mapapati a napupuk iti tunnel iti paset ti Trishuli River a sibibiag pay dagitoy kalpasan ti napasamak a mudslide ken flash floods idiay Nepal.
Agtultuloy ti panagbiruk dagiti rescuers para kadagiti naruay a tattao a nagtalinaed a mapukpukaw kalpasan ti nakaam-ames a trahedya.
Iti agdama, umaboten iti agarop 940 a tattao ti natay idinto a 3,925 dagiti mapukpukaw no sadinno a 592 kadagitoy ket foreign nationals.
Tumultulong metten iti rescue operation ti international team ken dagiti eksperto manipod iti India, Korea ken Australia.
