LAOAG CITY – Madanagan ti kampo ni dati nga Speaker ken Leyte Rep. Ferdinand Martin Romualdez ti panangawagda kenkuana kas “mastermind” bayat ti agtultuloy a preliminary investigation.
Segun iti abogado ken pannakangiwat ni Romualdez a ni Atty. Ade Fajardo, mabalin a mangitunda ti impresion ti nasao a balikas a mabalin a makaaramid ti konklusion sakbay pay a malpas ti panangtingiting ti Office of the Ombudsman kadagiti ebidensia ken depensa ni Romualdez.
Immunan iti daytoy, kinddaw dagiti abogado ni Romualdez ken ni Ombudsman Jesus Crispin Remulla ti pannaka-inhibit iti kaso iti maysa a surat idi Abril 22.
Dinakamat ti depensa iti publiko ti rakurak ni Remulla mainaig iti imbestigasion a maipagarup addaanen ti resultana.
Inpetteng ni Fajardo a bayat iti agtultuloy a preliminary investigation, masapol a patas ken awan ti mapabpaboran iti proseso.
Ti preliminary investigation ket proseso tapno maamoan no umno ti ebidensia para iti pannakaipila ti naan-anay a kaso iti korte.
