LAOAG CITY – Nagkiddaw ti Department of Agriculture (DA) ken National Irrigation Administration (NIA) ti nayun a pondo para iti sumaruno a tawen.
Inbatad ni Agriculture Secretary Francisco Tiu Laurel Jr, a napateg ti nayun a pondo para kadagiti proyekto da gapu iti manamnama a posibilidad nga epekto ti El Nino iti pagilian.
Karaman kadagiti kiniddaw ti sekretaryo ti panangipangato ti Presidential Assistance for Farmers and Fisherfolk (PAF) no sadinno a ti nasao a pondo ti ahensya ket mabalin nga agkurang kadagiti sumarsuno a bolan gapu iti epekto met ti habagat ken dagiti naglabas a bagyo.
Agkasapulan pay ti ahensya ti P8.7-B a para iti fertilizer assistance funds dagiti mannalon ken nayun a P10-B agingga iti P12-B para kadagiti mangngalap iti babaen dagiti programa ti Bureau of Fisheries and Aquatic Resources (BFAR).
