LAOAG CITY – Bimmaba ti 40 a sentimos iti kada kilo ti presyo ti liquefied petroleum gas (LPG) nangrugi idi kalman, Setyembre 1, 2026.
Basar iti Department of Energy (DOE), katukad daytoy ti sumurk-kumurang a P4.40 ti naikissay iti naipagagangay nga 11-kilogram a tangke ti liquefied petroleum gas.
Inbatad ti Department of Energy a bimmaba ti presyo ti produkto iti baet ti panagngato ti international LPG Contract Price manipod $634 ti kada metriko tonelada idi Agosto agingga iti $649.50 ita a Setyembre.
Naipababa met ti pakabuklan a gastos gapu ta bimmaba ti freight cost manipod iti $120.82 agingga iti $94.41 ti kada metriko tonelada.
Inlawlawag ti Department of Energy DOE a ti international LPG contract prices ket nakadepende iti global market conditions.
