LAOAG CITY –
Impaganetget ti House prosecution panel spokesperson ken Lanao del Sur Rep. Zia Alonto Adiong nga ad-adda a napigpigsa ti kinapudno nga awan ti confidential funds ti Department of Education (DepEd) a naaramat iti Youth Leadership Summits (YLS) iti babaen ti Armed Forces of the Philippines (AFP).
Segun kenni Adiong, maibasar daytoy iti testimonia a naipaay ita nga aldaw iti impeachment trial ni dati a DepEd Undersecretary Michael Poa a nangkumpirma iti testimonia da Army officers Col. Manaros Boransing II ken Col. Magtangol Panopio.
Immunan iti daytoy, rimuar ti damag a naaramat dagiti sertipikasion ti militar kadagiti liquidation reports a naisubmitir iti Commission on Audit (COA) para iti 15.54 million pesos a paset ti confidential funds ti DepEd.
Daytoy ti nangpataud iti dakkel a saludsod para ken ni Adiong, no ayanno wenno siasino ti napanan dagiti nadakamat a minilion a gatad ti confidential funds ti DepEd idi ni Bise Presidente Sara Duterte ti sekretario ti nasao nga ahensia.
