LAOAG CITY – Natay ti dua a Pilipino seafarer kalpasan ti pannakaatake ti barkoda idiay Sea of Hormuz.
Kinumpiraran ni Bahri ti national shipping company ti Saudi Arabia a ti barkoda a SIDR ket natamaan bayat ti panagdalyasatna idiay Strait of Hormuz idi Agosto 31.
Mainaig iti daytoy, saanen a nangited ti kanayunan a detalye ti nasao a kompanya kalpasan ti insidente.
Nupay kasta, basar iti maritime security agency a UKMTO a ti tanker ket natamaan ti tallo a saan pay a masinunuo a projectiles bayat ti panagdalyasatda iti Strait of Hormuz.
Idi napalabas a bulan, natamaan pay ti maysa a barko ti kumpanya a Wedyan supertanker bayat ti panagdalyasatda iti kabaybayan a paset ti Oman ken idinto a dua met kadagiti barko ti AMZN ken MASA ti natake idiay Red Sea ti Houthis rebel manipud idiay Yemen.
Maipalagip nga idi leng kallabes ket agballaag ti Iran mainaig iti panagatakeda kadagiti aniaman a barko a dumalyasat iti Strait of Hormuz.
