LAOAG CITY – Inbatad ni Senador JV Ejercito a kiniddaw ti Senado iti Commission on Audit (COA) a mangipaay iti listaan dagiti flood control projects a naduktalan dagiti agtultuloy a fraud audit-na a substandard.
Iti maysa nga ambush interview, kinuna ni Ejercito, chairperson ti Senate Finance Committee, a ti listaan ket makatulong kadagiti mammanday-linteg a mangtingiting no ania dagiti proyekto a rumbeng a maituloy ken no ania ti rumbeng a ma-scrap.
Kabayatanna, kinuna ni Ejercito a kiniddaw ti Senado kadagiti maseknan nga ahensia a lawlawagan ti joint circular a mangiturturay kadagiti confidential ken intelligence funds ken ikonsiderar ti panangipaulog kadagiti nalawag a pagannurotan ken safeguards kalpasan ti kontrobersia maipapan iti pannakausar dagitoy.
Iti plano ti Senado a mangiyuswat kadagiti budget hearings a kadua dagiti plenary sessions, kinuna ni Ejercito a mabalin a mangrugi ti arraingement inton sumaruno a lawas, gapu ta kasapulan pay laeng a maipakaammo dagiti ahensia ken aggigiddan nga agatendarda kadagiti House budget hearings.
Inladawanna ti panagiskediul kas dakkel a karit gapu iti aggigiddan nga impeachment proceedings, plenary sessions, ken budget deliberations.
