LAOAG CITY – Ad-adda pay a dinoble ti Philippine National Police (PNP) ti presensiya da kadagiti lugar a pagdudupudupan dagiti tattoo sipud natappogan ti ‘Ber’ months.
Segun ken ni PNP chief Police General Jose Melencio Nartatez Jr, inbilin na kadagiti amin a regional ken city police a paigetan ti police visibility, panagpatrolya ken panagbantay kadagiti establishimento.
Karaman pay a bantayan da ket dagiti transport terminals ken dagiti dadduma pay a pampubliko a lugar a masansan a pagturungan dagiti tattao.
Namnamaen a kadagitoy a bolan ket umad-ado dagiti mannanakaw a manggundaway kadagiti lugar a masansan a paspasyaren dagiti tattao.
Inlawlawag met ti Philippine National Police a sibubukel a tawen nga agbanbantay dagiti kameng ti nailian a pulisya tapno masigurado ti kinatalged ti publiko.
