LAOAG CITY – Saanen nga idatag ti House prosecution panel da Ramil Madriaga, Col. Raymund Lachica, ken Col. Dennis Nolasco kas saksi iti impeachment trial ni Bise Presidente Sara Duterte.
Immanamong met ni Manila Rep. Benny Abante, a kunana nga “overkill” ti panangiyam-ammo iti ad-adu pay a saksi a saan nga empleado ti Office of the Vice President (OVP).
Nagserbi da Lachica ken Nolasco kas hepe ken deputy chief ti Vice Presidential Security and Protection Group.
Dagitoy ti maipagarup a nag-disburse manipud iti Opisina ti Bise Presidente ken iti Department of Education.
Karaman da Lachica, Nolasco ken Madriaga iti listaan dagiti saksi nga indatag ti prosekusion iti panangusig.
Kabayatanna, kinuna ti House prosecution panel head Gerville Luistro a madama ti reevaluation ti listaan dagiti saksi kadagiti nabati nga artikulo.
Gagem ti panel nga ileppas ti pannakaidatag dagiti saksi iti artikulo ti impeachment maipapan iti pannakausar dagiti confidential funds inton Setiembre 9.
