LAOAG CITY – Nakapyansan ni Vice President Sara Duterte iti Quezon City Regional Trial Court Br. 98., kalpasan ti pannakaipaulog ti arrest warrant kontra kenkuana gapu iti kasona a grave threats.
Iti babaen ti QC Regional Trial Court (RTC) Branch 98 naipaayan daytoy ti piyansa a P120,000 iti kada bilang. Natakuatanna nga adda probable cause a mangtengngel ken ni Duterte para iti pannakausig, isut gapu na a nangipaulog daytoy iti arrest warrant kontra kenkuana.
Kinuna met ni Atty. Michael Poa kadagiti reporter a maibilang ni Duterte a “surrendered.”
Saan a naalaan ti mugshot ti bise presidente iti uneg ti courtroom ngem nudiket nangisubmitir daytoy iti bukodna a retrato bayat nga iggemna ti papel a mangipasimudaag iti naganna ken dagiti ti naipila a kaso kontra kenkuana. Innala dagiti staff ti korte dagiti fingerprint-na kas paset ti proseso ti piyansa.
Iti statement ni Duterte, kinunana a saan a natalged ti riknana.
Inbatadna nakaawat daytoy ti documented threats ken harassment manipud pay idi 2023 ken maamak daytoy para iti kinatalged dagiti annakna.
Innyonnna a pimmanaw daytoy iti lugar dagiti annakna, ngem mapapati a napan latta idiay dagiti polis.
