LAOAG CITY – Inlawlawag ni Senator Joseph Victor “JV” Ejercito a saan pay a pormal a natalantan dagiti miembro ti Senado mainaig iti posible a pannakaipababa ti voting threshold a masapol para iti conviction wenno acquittal ni Vice President Sara Duterte iti agtultuloy nga impeachment trial.
Rimuar ti nasoa a rakurak ni Ejercito kalpasan a dinakamat ni Senator Juan Miguel “Migz” Zubiri nga adda dagiti sumagmamano a senador nga agkalikagum a mangsuportar a maibaba manipud iti 16 ti botos a masapol a bilang tapno makasoan ti Bise Presidente.
Segun ken ni Ejercito, nupay saan pay a nagdiskusion dagiti senador, inpettengna ti manamnama a pannaakaitalantanna daytoy iti plenario.
Malaksid iti daytoy, inadmitir ti agpanpanday linteg nga iti agdama, saan pay nga ammo no umanumongan dagiti sumagmamano a senador a saan pay nangdakamat ti takderna mainaig iti nasao a pannakaipababa.
