LAOAG CITY –Inbatad ti Philippine National Police (PNP) nga awan pay naawatda a report mainaig ti pangta kontra ken ni Vice President Sara Duterte ken ti pamiliana iti baet ti rakurakna a madanagan iti kinatalgedna.
Kuna ni Philippine National Police (PNP) chief Gen. Jose Melencio Nartatez Jr. nga agtultuloy ti panag-monitor-da kalpasan ti panangipakaammo ni Duterte ti panagbutengna ken ti kinatalged ti pamiliana.
Segun kenkuana, awan pay ti lehitimo a pangta a mangipasimudaag ti kinarisgo ken ni Duterte wenno ti pamiliana.
Nupay kasta, kunana a silulukat dagitoy nga agawat ti animan a report ti pangta para iti pannakaimbestigar ken pannakaberipikarna.
