LAOAG CITY – Impanagetget ti House prosecution panel nga addan ti umdas a dokumento ken ebidensia da tapno mapaneknekan ti alegasion ti saan a amailawlawag a kinabaknang kontra ken ni Vice President Sara Duterte.
Segun ken ni Lanao del Sur Rep. Zia Alonto Adiong, adda kenkuadan dagiti subpoenaed bank ken tax records ni Duterte ken ti asawana, pakairamanan dagiti financial records ti kumpaniada. Mausar dagitoy kas ebidesia iti Article II ti impeachment trial.
Saan pay nga inbutaktak ni Alonto Adiong ti detalye dagiti ebidensiada, ngem kunana a kasapulan a padaanan dagitoy ti publiko iti panagsango iti Senate Impeachment Court.
