LAOAG CITY – Nagpanawagan ni Senate Blue Ribbon Committee Chairman Erwin Tulfo para iti pannakaipaalisto ti pannakaipila ti rakurak a Masterplan for Infrastructure and National Development wenno MIND Act, tapno makabukel ti nasayaat a plano para kadagiti imprastraktura iti intero a pagilian.
Mainaig iti daytoy, ti nasao a masterplan ket immunan a naitantan iti Senate Committee on Economic Affairs no sadinno ket sinublianan daytoy ni Tulfo bayat ti panagrugi ti pannakaitalantan ti rakurak a 2027 national budget.
Inpetteng ni Tulfo a masapol nga amoen ken lepasenen dagiti naitantan a proyekto.
Segun kenkuana, masapol a natibker ken siguradoen nga agbayag dagiti pampubliko nga imprastraktura bayat iti nakaro a kondsion ti panawen.
Immunan a dinakamat ni Tulfo ti panangidaulona iti pormal nga imbestigasion ti Senado kadagiti maipagarup substandard a proyekto a nailanad kadagiti napalabas a panagtudo ken nakaro a panaglayus.
