LAOAG CITY – Pinaawan bisa ti Korte Suprema ti graft conviction ni dati a First Lady Imelda Marcos gapu iti mapapati a pinansial nga interesna iti seven Swiss foundations.
Mapapati nga addaan ni Marcos iti interes iti kuarta ken pannakipaset iti panangimanehar iti sumagmamano a non-government organizations iti Switzerland manipud 1978 agingga 1984 bayat ti panawenna kas Minister of Human Settlements, Metro Manila Governor, ken interim member ti Batasan Pambansa.
Kinuna ti Sandiganbayan a kangrunaan a naipasdek dagiti seven foundations-Maler Establishment, Trinidad Foundation, Rayby Foundation, Palmy Foundation, Vibur Foundation, Aguamina Foundation, ken Avertina Foundation para itipagsayaatan ti pamilia Marcos.
Iti panagtignayna iti apela ni Marcos, nasarakan ti Supreme Court a saan a maawat ken awanan iti probative value ti testimonial ken documentary evidence ti prosecution.
