LAOAG CITY – Inanunsio ti Civil Aeronautics Board (CAB) a ngumato ti plete ti eroplano gapu iti ngimmato a presio ti produkto a petrolyo.
Daytoy ket mangrugi inton Setiembre 16 agingga 30, 2026 no sadinno a manipud Level 13 ket ngumato iti Level 14.
Iti babaen ti Level 14, ti panagngato ti plete ket agay-ayam manipud P457 agingga P1,336 para kadagiti domestic flights ken iti met international flights ket manipud P1,509.08 agingga P11,220.71.
Mainaig iti daytoy, iti met babaen ti Level 13, kasapulan nga agbayad dagiti pasaheros ti P423 ken P1,237 para iti domestic flights ken iti met international flights ket P1,396.71 ken P10,385.42.
Kabayatanna, ti panagngato ti plete ket optional fees laeng ken maisina iti base fare a mabalin nga ipasa ti airlines kadagiti pasaheros tapno makarekober iti kinangina ti produkto a petrolyo.
