LAOAG CITY – Agngudo ita nga aldaw, Setiembre 13 ti maudi nga aldaw ti 2026 Bar examinations no sadinno a maamoan ti resultana inton nasapa a paset ti bulan ti Enero 2027.
Para iti maudi nga aldaw ti bar, naiskedyul ti subjects a Criminal Law, Remedial Law, Legal and Judicial Ethics,ken Practical Exercises.
Inanunsio ni Supreme Court Associate Justice Samuel Gaerlan, chair ti 2026 Bar Examinations, a maamoan ti resulta inton nasapa a paset ti bulan ti Enero 2027.
Iti agdama, awan pay ti pinal a bilang ti nagatendar para iti maikatlo ken maudi nga aldaw ti bar examination.
Nupay kasta, adda ti pakabuklan a 12,017 iti maikadua nga aldaw wennokatukad ti 99.9% a kandidato ken 12,029 met iti nakakompleto iti umuna nga aldaw.
Ti tallo nga aldaw a panageksamen ket naiyuswat kadagiti 15 a local testing centers iti intero a pagilian.
