LAOAG CITY – Arig nagbalin a “Mario Kart”, maysa a video game, ti maysa nga highway iti Bataan gapu iti road barriers nga nakaurnos kas obstacle course.
Dagiti barikada ket inkabil ti Metro Bataan Development Authority iti paset ti Limay iti 68 a kilometro nga highway tapno pakdaaran dagiti potholes, basar iti advisory idi Setiembre 6.
Ti dadduma a paset ti highway iti Limay ket naserraan ti barikada gapu iti layus idi panawen ti bagyo a napasaran iti kallabes.
Nakakatawa dagiti sumagmamano a netizens gapu iti video ken naikkan pay ti background music manipud iti mismo a nadakamat a video game.
Kabayatanna, addo met dagiti indibidual a nangiparuk-at ti safety concerns gapu iti aglikos ken sang-atan a dalan a paset ti highway ken ti pannakapuesto ti barikada.
