LAOAG CITY – Kinumpirmaran ti kampo ni Vice President Sara Duterte a naawatdan ti pammilin manipud iti Quezon City Regional Trial Court (RTC) Branch 98 a nangpatibker iti pannakaibasura ti mosion for inhibition-da kontra iti presiding judge ti kaso.
Ti nasao a pammilin ket basar iti tallo a daras a reklamo a grave threats kontra iti Bise Presidente babaen iti panangpangtana iti kangatoan nga opisial ti pagilian a da Presidenete Ferdinand Marcos Jr., First Lady Liza Marcos ken ni dati a House Speaker Martin Romualdez.
Segun iti abogado ti Bise Presidente a ni Atty. Paul Lawrence Lim, usaren ti partidoda ti amin a legal remedies bayat ti agtultuloy a panangkondenarda iti pammilin ti korte mainaig iti sub judice rule.
Gapu iti daytoy, naiget a napawilan dagiti agsinnumbangir a partido ti panangdakamatda iti publiko wenno iti aniaman a media ti merito ti nasao a kaso kas panangrespetar iti rule of law.
