LAOAG CITY – Agsubli ti banda ti OPM a Cup of Joe iti Big Dome bayat ti panagsaganada para iti sabali pay a kangrunaan a concert ita a tawen.
Napanaganan daytoy a “Cup of Joe: Symphony,” a maangay iti Araneta Coliseum idiay Cubao, Quezon City, inton Disiembre 3.
Ti nasao a concert ket inderehe ni Paolo Valenciano, a mangrugi a mailako dagiti tikets inton Setiembre 30.
Idi napan a Mayo, nagaramid ti banda iti pakasaritaan kas kaunaan nga OPM act a nangipabuya iti solo concert iti Philippine Sports Stadium.
Ti Cup of Joe ti big winner iti inaugural Filipino Music Awards, a nangiyawid iti Album of the Year ken Song of the Year para iti “Silakbo” ken “Multo.”
Mainaig iti daytoy, inruar ti banda ti debut-na a “Silakbo” idi Enero 2025, a nangitampok kadagiti 10 a track, a pakairamanan ti mega-hit a “Multo.”
