LAOAG CITY – Saan a masinunuo ti asawa ti nagbekkel iti ili ti Vintar ti rason no apay naaramid ti asawana daytoy.
Ti biktima ket agtawen 45, regular nga empleado ti Municipality of Vintar Sanitary Landfill idinto a ti asawana ket ni Mrs. Evangeline Mabanag nga agtawen ti 35, addaan ti trabaho ken agpada a residente iti nasao a lugar.
Segun iti pannakisarsarita ti Bombo Radyo Laoag ken ni Mrs. Mabanag, nagpakada ti biktima nga agturong iti landfill idi Domingo, Setiembre 13 ket apaman a tumalaw daytoy iti pagtaenganda, inangaw ti biktima ti asawana no sadinno a sinaludsodna no matay daytoy ket simmungbat ti asawana nga idulinda a nasayaat ti biktima.
Idinto ta agturong dagiti kakadwa ti biktima iti Landfill ket ditoy da a Nakita ti biktiman a nakabitin iti kayo nga usarna ti maysa a tali.
Saan a maipeksa ni Mabanag ti panagladingitna gapu ta arigna ket pabasolenna ti bagbagina gapu ta kunana a nagkurang daytoy iti pammagbaga iti asawana.
Kunana nga adda dagiti gundaway nga agmulmulengleng ti asawana ken maaw-awan ti panunotna.
Gapu iti daytoy, agbabbabawi ni Mabanag gapu ta kunana a saan na man laeng a naaramid a kumustaen ni lakayna.
Naamoan nga add ti dua nga annak dagitoy ken innayonna a saan nga ammo ti inaudi nga anakda a natayen ni amana gapu ta ubing pay laeng daytoy ken saanna pay a maawatan dagiti bambanag.
