LAOAG CITY – Nagduduma ti nagbalin a reaksyon ti pamilya dagiti biktima iti nadara a kampanya kontra iti illegal a droga ni dati a president Rodrigo Duterte kalpasan a nagpakita daytoy iti International Criminal Court.
Binuya dagiti pamilya iti nagbalin a trial session mainaig iti kaso ni dati president Duterte idiay Quezon City.
Nagraragsak dagitoy idi makita da ni Duterte, sipud ta ti naudi a pannakakita ti publiko ket idi Marso 14 iti idadatag na iti International Criminal Court kalpasan a narestar idi Marso 11, 2025.
Kuna dagiti nagannak dagiti biktima ti war on drugs a ti preliminary trial ket maibaga da nga sungbat kadakuada iti Dios kalpasan iti ado a kararag da.
Kadua dagiti pamilya dagiti war on drugs a nagbuya iti trial session ket dagiti abogado da, miyembro iti simbaan, ken dagiti na nagduduma nga human rights activists.
