LAOAG CITY – Ginutigot ti maysa nga election lawyer a ni Atty. Romulo Macalintal, ni Presidente Ferdinand “Bong Bong” Marcos Jr., nga i-veto ti nailungalong a pannakaitantan ti Barangay ken SK officials agingga intono 2028, gapu ta mailabsing daytoy iti constitutional rights ti suffrage.
Basar iti petision a naiturong ken ni Presidente Marcos Jr. idi Setyembre 17, inbatad ni Macalintal a ti pannakai-postpone manen iti BSKE a mangiyalud-od ti termino dagiti incumbent barangay ken SK officials ket mangikkat iti karbengan dagiti umili a pumili ti mangidaulo kadakuada.
Inrakurak ni Macalintal kayat na a personal a makasarita ti Presidente kadwa na dagiti legal advisors na tapno maipresentar dagiti rason iti panangkontra da iti nasao a gakat.
Iti agdama. pirma laengen ti presidente ti maiyur-uray no aprubaran na ti nasao a gakat wenno saan.
