LAOAG CITY – Balligi a naarestar ti maysa a lalaki iti naiwayat a buy-bust operation iti ili ti San Nicolas.
Nabigbig ti suspek a maysa nga agtawen 21, adda live-in partner-na, taga Marikina City ken manarimaan nga agtaltalinaed ditoy siudad ti Laoag.
Nakumpiskar manipud iti suspek ti maysa a gramo ti mapapati a shabu nga addaan ti standard value-na a PHP 6,800.00 ken 5 a gramo ti Marijuna nga addaan met ti standard value-na a PHP 600.00.
Malaksid kadagitoy, naala pay manipud iti suspek ti maysa a genuine One Thousand Peso bill a nausar kas buy-bust money, maysa a black leather belt bag, maysa a black ken violet vape, 50 pesos a personal a kuarta ti suspek, maysa a black caliber 22 revolver ken innem a live ammunition para iti caliber 22.
Gapu iti daytoy, naikabil ti suspek ken dagiti narekobre nga ebidensia iti San Nicolas Municipal Police Station para iti naan-anay nga imbestigasion ken pannakaipila ti kaso kontra iti suspek.
