LAOAG CITY – Nagballaag ni Senator-Judge Alan Peter Cayetano a mabalin nga agturong ti mistrial ti impeachment trial ni Vice President Sara Duterte no mabaliwan ti voting threshold bayat ti agtultuloy a panangusig.
Segun ken ni Cayetano, kasapulan nga agtalinaed dagiti pagalagadan iti rugi ti trial agingga ti maudi a paset daytoy.
Impettengna a saanna a kayat a maibasura dagiti trabaho ken proceedings ti senate impeachment court gapu iti panagbalbaliw ti voting requirement.
Iti agdama a ruling ni Presiding Officer Francis Escudero, kasapulan ti 16 a butos tapno ma-convict ti Bise Presidente, a katukad ti two-thirds ti sibubukel a 24-member Senate.
