LAOAG CITY – Nakastrek iti protected system iti tallo a kumpanya ti Gemini AI ti Google bayat ti cybersecurity test, no sadinno awtomatiko a nagaramid ti hacking ti AI system ti kumpanya.
Napasamak ti insidente iti maysa a cybersecurity evaluation nga impadas ti Irregular, maysa nga independent company a mangiwaywayat ti panangtingiting iti seguridad ti Artificial Intelligence wenno AI systems.
Segun ken ni Heather Adkins, Google vice president for security engineering, nakabirok ti Gemini ti pampubliko nga impormasion online a nakadakamat ti credentials tapno makastrek iti tallo a website nga inpagarupda a sakupen ti testing.
Iti maysa a kaso, nangipadas ti Gemini ti sumagmamano a code tapno makaaramid ti password agingga a nakastrek daytoy iti maysa a protected system.
Malaksid kadaytoy, nakabirok pay daytoy ti credentials iti maysa a repository nga inaramatna tapno ma-access dagiti dua pay a protected system. Gapu iti daytoy, impakaammo ti Google kadagiti tallo a kumpanya a naapektaran a makitinnulongda ken ginutigotda idda nga agserbida kas training partner-da tapno baliwan ti training processes-da.
