LAOAG CITY – Manamnama a mailako agingga iti $250,000 iti auction ti maysa a painting a nagatang laeng ti $30 manipod iti estate sale idiay Michigan.
Daytoy ket kalpasan a nakumpirmaran a ti nasao a painting ket isu ti nabayagen nga obra ti Gertrude Abercrombie.
Ti painting a napaulwan ti Alderman Merriam’s Shells, ket nagatang ti maysa a treasure hunter iti Michigan estate sale iti balor a $30.
Nagatap ti collector a ti painting ket aramid ni Chicago surrealist Gertrude Abercrombie, kalpasan a nakita na nga adda ti naikitikit a “Gertrude Abercrombie.
Tapno masigurado na ti atapna ket kiniddaaw na ken ni Susan Weininger, ti art historian iti Roosevelt University ken leading Abercombie expert, a kitaen na ti painting, no sadinno a kinumpirmaran na met a daytoy ket naaramid idi 1951 ken naggapo dagiti sea shells manipod iti koleksyon ni Robert Merriam, ti Chicago alderman manipod 1947 agingga iti 1955.
